(ត្បូងឃ្មុំ)៖ លោកបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ និងជាប្រធានកិត្តិយសសមាគមអតីយុទ្ធជនកម្ពុជា ថ្លែង ក្នុង សាល ប្រជុំ របស់ស្នងការខេត្តត្បូងឃ្មុំ៖ «ដោយសារនយោបាយឈ្នះ-ឈ្នះ បានបញ្ចប់សង្រ្គាមទាំងស្រុង ធ្វើឲ្យប្រទេសជាតិមានសុខសន្តិភាពពេញលេញដឹងគុណស្ថាបនិក មគ្គុទ្ទេសក៍ឯក និងប្រតិបត្តិករនយោបាយឈ្នះ-ឈ្នះ សម្តេចតេជោ ដែលជាស្ថាបនិកសន្តិភាព អ្វីៗដែលសមាជិកអតីតយុទ្ធជនកម្ពុជា ប្រជាពលរដ្ឋ របស់ យើងទទួលបានដូចសព្វថ្ងៃនេះ គឺដោយសារប្រទេសយើងមាន សន្តិភាព ហេតុនេះទើបយើងត្រូវអរគុណសន្តិភាព និងអរគុណនយោបាយឈ្នះ-ឈ្នះ»។
លោកបណ្ឌិត ជាម ច័ន្ទសោភ័ណ បានអញ្ជើញជួបសំណេះសំណាល និងសួរសុខទុក្ខ អតីតយុទ្ធជន ជាជនពិការ ប្រភេទ(ក១) និង(ក២) ដោយមានការអញ្ជើញចូលរួម លោកឧត្តមសេនីយ៍ត្រី ម៉ុន មាគ៌ា ស្នងការនគរបាលខេត្តត្បូងឃ្មុំ ថ្នាក់ដឹកនាំ មន្ត្រីរាជការ កងកម្លាំង ប្រដាប់អាវុធទាំង៣ អាជ្ញាធរមូលដ្ឋានពាក់ព័ន្ធ និងអតីតយុទ្ធជន សរុបចំនួន ៤២០នាក់។
លោកបណ្ឌិត ជាម ច័ន្ទសោភ័ណ បានផ្តាំផ្ញើការសួរសុខទុក្ខ ពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនចំពោះបងប្អូន សមាជិកអតីតយុទ្ធជនទាំងអស់ គឺសម្ដេចទាំងទ្វេ មិនដែលភ្លេច ឬបោះបង់ចោលបងប្អូនអតីតយុទ្ធជននោះទេ ហើយសម្តេចនឹកឃើញជានិច្ច ចំពោះអតីកាលដែលធ្លាប់រួមអាវុធជាមួយគ្នា ព្រោះសម្តេចក៏ជាជនពិការ ដោយសារសង្គ្រាមម្នាក់ផងដែរ។
នៅក្នុងឱកាសនោះដែរ លោកបណ្ឌិត ជាម ច័ន្ទសោភ័ណ ក៏បាន អំពាវនាវ ដល់ បងប្អូន សមាជិកអតីតយុទ្ធជន កម្ពុជា ត្រូវតែបន្តគាំទ្ររាជរដ្ឋាភិបាលកម្ពុជា ដែលដឹកនាំដោយ សម្តេច តេជោ ដើម្បីអោយប្រទេសជាតិទទួលបាន សុខ សន្តិ សភាព ស្ថិរភាព និង កាន់តែ មានការ អភិវឌ្ឍន៍ រីកចម្រើន ទៅមុខគ្រប់វិស័យបន្ថែមទៀត ៕
0 Comment:
Post a Comment