-->
សូមស្វាគមន៍ WWW.KEHAKTOMPOR KNM.COM មានទទួល ផ្សាយពាណិជ្ជកម្មគ្រប់ប្រភេទ ចាងហ្វាងការផ្សាយ : លោក ប៑ូ ដឺ រ៉ុង / ទីស្នាក់ការកណ្តាល: #៥៧៤ ផ្លូវ ៤៨បេតេ ភូមិ ក្បាលទំនប់ សង្កាត់ បឹងទំពុនទី២ ខណ្ឌ មានជ័យ រាជធានីភ្នំពេញ ទំនាក់ទំនងទូរស័ព្ទៈលេខ / 012 420 307 / 097 626 5148 .....
សូមស្វាគមន៍ គេហទំព័រ ខេអិនអឹម មានទទួល ផ្សាយពាណិជ្ជកម្មគ្រប់ប្រភេទ ចាងហ្វាងការផ្សាយ : លោក ប៑ូ ដឺ រ៉ុង / ទីស្នាក់ការកណ្តាល: #៥៧៤ ផ្លូវ ៤៨បេតេ ភូមិ ក្បាលទំនប់ សង្កាត់ បឹងទំពុនទី២ ខណ្ឌ មានជ័យ រាជធានីភ្នំពេញ ទំនាក់ទំនងទូរស័ព្ទៈលេខ / 012 420 307 / 097 626 5148 ..

អភិបាលខេត្តពោធិ៍សាត់ បានសម្របសម្រួល និងដោះស្រាយទំនាស់ ក្រៅប្រព័ន្ធតុលាការ ជូនប្រជាពលរដ្ឋក្នុងឃុំអូរសោម១៩ករណី

ចំនួនអ្នកទស្សនា: Views



(ពោធិ៍សាត់)៖ ក្នុងមុខតំណែង ជាអភិបាលដឹកនាំគ្រប់គ្រង់ខេត្តពោធិ៍សាត់ បានរយៈពេលជាង១ខែមកនេះ លោក ខូយ រីដា បានចាប់ផ្តើមបើកដំណើរការ សម្របសម្រួល ដោះស្រាយទំនាស់ និងវិវាទផ្សេងៗ ក្រៅប្រព័ន្ធតុលាការ បានជាច្រើនករណីមកហើយ តាមរយៈការដោះស្រាយដោយផ្ទាល់ និងការផ្តល់លេខទូរស័ព្ទទាំង៣ប្រព័ន្ធ។

ជាក់ស្តែងនារសៀលថ្ងៃទី២៩ ខែធ្នូ ឆ្នាំ២០២២កន្លងទៅ លោកបានសម្របសម្រួល និងធ្វើការដោះស្រាយទំនាស់ដែលកើតមាន នៅឃុំអូរសោម ស្រុកវាលវែង បានចំនួន១៩ករណី ដែលក្នុងនោះរួមមានទំនាស់រវាង ប្រជាពលរដ្ឋជាមួយប្រជាពលរដ្ឋ, ប្រជាពលរដ្ឋជាមួយក្រុមហ៊ុន, ប្រជាពលរដ្ឋជាមួយមន្ត្រីគ្រាក់ៗ និងប្រជាពលរដ្ឋជាមួយអាជ្ញាមូលដ្ឋាន។ល។

ថ្លែងក្នុងឱកាសនោះ លោក ខូយ រីដា បានជម្រាបជូនថា ការសម្របសម្រួល និងដោះស្រាយទំនាស់ ក្រៅប្រព័ន្ធតុលាការនាពេលនេះ តម្រូវឱ្យបងប្អូនប្រជាពលរដ្ឋ យកបេះដូងត្រជាក់មកដោះស្រាយដោយសន្តិវិធី ហើយនិយាយតែកាពិតដោយផ្អែកលើផ្លូវរច្បាប់ មិនមែនកែន ឬជួលមនុស្សឱ្យបានច្រើន ដើម្បីផ្ដិតមេដៃបំភ្លៃការពិតនោះទេ។ លោកដោះស្រាយវិវាទដីធ្លី ដោយមិនគិតពីខ្សែអ្នកតូច ឬអ្នកធំអ្វីឡើយ គឺផ្អែកទៅលើផ្លូវច្បាប់ ព្រោះលោកជាអភិបាលខេត្ត ត្រូវទទួលខុសត្រូវចំពោះមុខច្បាប់ ចំពោះមុខរាជរដ្ឋាភិបាល និងប្រជាពលរដ្ឋ។

លោកបានបន្តថា យើងត្រូវពិនិត្យស្ថានភាព និងកាលៈទេសៈពិតប្រាកដ អ្នកដែលទិញដីរាប់រយហិកតា ទោះបីកាត់ឆ្វៀលក៏ដោយក៏នៅជាដីរដ្ឋដដែល គឺគ្រប់គ្រងដោយថ្នាក់ក្រោមជាតិ និងក្រសួងបរិស្ថាន មិនមែនថ្នាក់ក្រោមជាតិមានសិទ្ធសម្រេចកាត់ដីស្រេចតែនឹងចិត្តនោះទេ គឺត្រូវសុំគោលការណ៍ពីថ្នាក់ជាតិ បើថ្នាក់ជាតិចុះមកពិនិត្យមើលឃើញត្រឹមត្រូវ និងឯកភាពហើយ ទើបខេត្តមានសិទ្ធិរៀបចំនីតិវិធីចេញប្លង់កម្មសិទ្ធិជូន។ ប្រជាពលរដ្ឋដែលមានដើមកំណើត ឬរស់នៅក្នុងឃុំអូរសាមនេះយូរហើយ ជាអាទិភាពទី១ ដែលយើងត្រូវធ្វើប័ណ្ណកម្មសិទ្ធជូន រីឯអ្នករស់នៅសព្វថ្ងៃបង្កទំនាស់ដីធ្លីនោះ ភាគច្រើនមកពីក្រៅខេត្ត។

លោកអភិបាលខេត្ត បានបញ្ជាក់ថា តំបន់អភិរក្សធនធានធម្មជាតិ ដីបម្រុងរបស់រដ្ឋ រដ្ឋបាល និងអាស្រ័យផលរបស់ប្រជាពលរដ្ឋ គឺរាជរដ្ឋាភិបាលបានបែងចែកច្បាស់ណាស់ បើបងប្អូនធ្វើស្របច្បាប់ លោកជួយការពារ តែបើប្រឆាំងនឹងច្បាប់ លោកមិនចូលរួមជាមួយនោះទេ។ លោកក៏សូមឱ្យបងប្អូនប្រជាពលរដ្ឋទាំងអស់ ចូលរួមថែរក្សាការពារធនធានធម្មជាតិ នៅក្នុងស្រុកវាលវែងនេះ ឱ្យនៅគង់វង្សយូរអង្វែង ដោយត្រូវបញ្ឈប់ការរានព្រៃ និងកោរភ្នំចាប់ពីពេលនេះតទៅ។

លោកបានបន្ថែមថា ឃុំអូរសោមជាឃុំមួយកំពុងមានការអភិវឌ្ឍន៍ ដែលត្រូវរៀបចំហេដ្ឋារចនាសម្ព័ន្ធរូបវ័ន្តគ្រប់បែបយ៉ាង ឱ្យមានរបៀបរៀបរយ ដូច្នេះយើងត្រូវចូលទាំងអស់គ្នា ដើម្បីធ្វើឱ្យឃុំរបស់យើង រក្សាបាននូវទេសភាព ធនធានធម្មជាតិ ក្នុងការទាក់ទាញភ្ញៀវទេសចរជាតិ អន្តរជាតិ មកកាន់តែច្រើន។

ក្រោយពីទទួលបានការសម្រួល ដោះស្រាយ និងពន្យល់បញ្ហាផ្លូវច្បាប់ ពីសំណាក់លោក ខូយ រីដា អភិបាលថ្មីនៃខេត្តពោធិ៍សាត់នោះរួចមក បងប្អូនប្រជាពលរដ្ឋ ដែលមានបញ្ហាទំនាស់ បានទទួលយក និងចូលរួមគាំទ្រយន្តការដោះស្រាយក្រៅប្រព័ន្ធតុលាការ ចាប់ពីពេលនេះតទៅ៕

សូមអានបន្ត

K
Share This
Author Image

About www.kehaktomporknm.com

ឯកឧត្តម ខៀវ កាញារីទ្ធ និងលោកជំទាវ អញ្ជើញជួបពិភាក្សាការងារជាមួយឯកឧត្តមអភិបាលខេត្តត្បូងឃ្មុំ

ចំនួនអ្នកទស្សនា: Views


 ត្បូងឃ្មុំ : ថ្ងៃទី៣០ ខែធ្នូ ឆ្នាំ២០២២
ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងលោកជំទាវ ដឹកនាំថ្នាក់ដឹកនាំក្រសួងចូលជួបសំណេះសំណាល និងពិភាក្សាការងារ ជាមួយនឹងឯកឧត្តម ជាម ច័ន្ទសោភ័ណ អភិបាល នៃគណៈអភិបាលខេត្តត្បូងឃ្មុំ នារសៀលថ្ងៃទី៣០ ខែធ្នូ ឆ្នាំ២០២២ នៅសាលាខេត្តត្បូងឃ្មុំ។

រូបថត៖ ខឹម សុវណ្ណារ៉ា

 






សូមអានបន្ត

K
Share This
Author Image

About www.kehaktomporknm.com

សម្តេចក្រឡាហោម ស ខេង ផ្ញើសាររំលែកទុក្ខដល់គ្រួសារ វរសេនីយ៍ត្រី ម៉ិច ឆាយភីវ័យ ដែលស្លាប់ក្នុងករណីបង្ក្រាបគ្រឿងញៀន

ចំនួនអ្នកទស្សនា: Views

 

 

 


សម្តេចក្រឡាហោម ស ខេង ផ្ញើសាររំលែកទុក្ខដល់គ្រួសារ វរសេនីយ៍ត្រី ម៉ិច ឆាយភីវ័យ ដែលស្លាប់ក្នុងករណីបង្ក្រាបគ្រឿងញៀន


(ភ្នំពេញ)៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានផ្ញើសារលិខិតចូលរួមរំលែកទុក្ខដល់ក្រុមគ្រួសារសព វរសេនីយ៍ត្រី ម៉ិច ឆាយភីវ័យ នាយរងការិយាល័យផ្សព្វផ្សាយអប់រំ មន្ទីរប្រឆាំងបទល្មើសគ្រឿងញៀន នៃអគ្គស្នងការដ្ឋាននគរបាលជាតិ ដែលបានបាត់បង់ជីវិតក្នុងករណីបង្ក្រាបគ្រឿងញៀន កាលពីថ្ងៃទី២៨ ខែធ្នូ។

តាមរយៈសារលិខិតផ្ញើជូន លោកស្រី ចាន់ សុភី ព្រមទាំងក្រុមគ្រួសារ សម្តេចក្រឡាហោម និងភរិយា ព្រមទាំងថ្នាក់ដឹកនាំ មន្ត្រីនគរបាលជាតិ មន្ត្រីរាជការស៊ីវិល និងមន្ត្រីពន្ធនាគារ ន ក្រសួងមហាផ្ទៃ មានសេចក្តីក្តុកក្តួល រន្ធត់តក់ស្លុត និងសោកស្តាយឥតឧបមា ចំពោះមរណភាពរបស់ លោកវរសេនីយ៍ត្រី ម៉ិច ឆាយភីវ័យ។

«ក្នុងវេលាប្រកបដោយទុក្ខព្រួយដ៏សង្វេគក្រៀមក្រំនេះ ខ្ញុំសូមចូលរួមរំលែកមរណទុក្ខដោយសេចក្ដី អាឡោះអាល័យជាទីបំផុតរកអ្វីប្រៀបផ្ទឹមពុំបាន ចំពោះការបាត់បង់ស្វាមីជាទីគោរពស្រលាញ់ដ៏ជ្រាលជ និងប្រកបដោយព្រហ្មវិហារធម៌របស់លោកស្រី និងក្រុមគ្រួសារ ហើយក៏ជាការបាត់បង់នូវមន្ត្រីនគរបាល ជាតិដ៏អង់អាចមោះមុតមួយរូប ដែលតែងខិតខំបំពេញភារកិច្ចយ៉ាងសកម្មរហូតពលីជីវិត ក្នុងបុព្វហេតុ ថែរក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ជូនជាតិ និងប្រជាជន»។ នេះបើតាមលិខិតសម្តេចក្រឡាហោម។

សម្តេចសូមឧទ្ទិសបួងសួងដល់ដួងវិញ្ញាណក្ខន្ធ លោកវរសេនីយ៍ត្រី ម៉ិច ឆាយភីវ័យ បានទៅកាន់ ឋានបរមសុខក្នុងសុគតិភពកុំបីឃ្លៀងឃ្លាតឡើយ៕

សូមអានបន្ត

K
Share This
Author Image

About www.kehaktomporknm.com

អភិបាលខេត្តកណ្ដាល ជួបសំណេះសំណាល និងដោះស្រាយរាល់សំណូមពររបស់ក្រុមអង្គការសង្គមស៊ីវិលជិត៥០០អង្គភាព ប្រកបដោយស្នាមញញឹម

ចំនួនអ្នកទស្សនា: Views


   

 
(កណ្ដាល)៖ លោក គង់ សោភ័ណ្ឌ អភិបាលខេត្តកណ្ដាល នៅរសៀលថ្ងៃទី២៩ ខែធ្នូ ឆ្នាំ២០២២នេះ បានជួយសំណេះសំណាល និងធ្វើការពិគ្រោះយោបល់រវាង រដ្ឋបាលខេត្តកណ្តាល ជាមួយអង្គការសមាគម និងក្រុមអង្គការសង្គមស៊ីវិលជិត ៥០០អង្គភាព អំពីសកម្មភាពការងារដែលស្ថិតក្នុងភូមិសាស្ត្រខេត្តកណ្តាល សម្រាប់ឆ្នាំ២០២២ ក៏ដូចជាការទទួលស្តាប់សំណើរ និងយកបញ្ហាប្រឈមនានាដើម្បីដោះស្រាយជូនភ្លាមៗ។

លើកឡើងនាឱកាសនោះលោក គង់ សោភ័ណ្ឌ បានបញ្ជាក់ថា វេទិកាស្តីពីការពិគ្រោះយោបល់រវាងរដ្ឋបាលខេត្តកណ្តាល ជាមួយអង្គការសមាគម និងសហគមន៍ អំពីសកម្មភាពការងារដែលស្ថិតក្នុងភូមិសាស្ត្រខេត្តកណ្តាល សម្រាប់ឆ្នាំ២០២២នេះ គឺដើម្បីធ្វើការផ្សព្វផ្សាយគោលនយោបាយរបស់រដ្ឋាភិបាល និងដើម្បីគាំទ្រលើយុទ្ធសាស្ត្រដឹកនាំដោយរាជរដ្ឋាភិបាលលើសកម្មភាពរបស់អង្គការ សមាគម សហគមន៍ និងសហជីព និងដោះស្រាយបញ្ហាសង្គមពាក់ព័ន្ធនឹងប្រជាពលរដ្ឋដែលក្រីក្រ ជនងាយរងគ្រោះ និងដោះស្រាយបញ្ហានៅមូលដ្ឋាន ទឹកស្អាត អនាម័យ ការងារកុមារតូច សន្តិសុខ សុវត្ថិភាព សន្តិសុខស្បៀង និងអាហារូបត្ថម្ភ នឹងការងារកូវីដ-១៩ (covid19)។

វេទិកានេះដែរ ក៏ដើម្បីពង្រឹងនិងពង្រីកភាពជាដៃគូរក្នុងការលើកកម្ពស់កិច្ចសហការរវាងរាជរដ្ឋាភិបាល និងអង្គការសង្គមស៊ីវិល ជាពិសេសបន្តថែរក្សាទំនាក់ទំនងកាន់តែរឹងមាំ ជិតស្និទ្ធ និងមានប្រសិទ្ធភាព ជាមួយរដ្ឋបាលខេត្តកណ្តាល ក៏ដូចជាសម្ព័ន្ធសង្គមស៊ីវិល របស់ទីស្ដីការគណៈរដ្ឋមន្ត្រី និងការស្វែងយល់ឱ្យកាន់តែស៊ីជម្រៅអំពីអង្គការសង្គមស៊ីវិល សមាគម សហជីព និងសមាគមន៍ ដែលបានជួយតាមវិស័យដែលកំពុងមានប្រតិបត្តិ និងការអនុវត្តការងារនៅថ្នាក់ក្រោមជាតិ ដោយស្វែងរកនូវបញ្ហាប្រឈមផ្សេងៗដែលកើតមាន ដើម្បីរដ្ឋបាលខេត្តមានមូលដ្ឋានក្នុងការឆ្លើយតបជូនអង្គវេទិកាផងដែរ។

លោក គង់ សោភ័ណ្ឌ បានបន្តទៀតថា សមាគម និងអង្គការមិនមែនរដ្ឋាភិបាលក្នុងស្រុក ដែលមានបំណងធ្វើសកម្មភាពនៅក្នុងដែនសមត្ថកិច្ច រដ្ឋបាលរាជធានី-ខេត្តណាមួយ អាចជូនដំណឹងមកក្រសួងមហាផ្ទៃ អំពីការបើកសាខាសម្រាប់ប្រត្តិការ ឬ អនុវត្តសកម្មភាពរបស់ខ្លួននៅក្នុងរាជធានី-ខេត្តនោះ ឬអាចជូនដំណឹងដោយផ្ទាល់ទៅរាជធានី-ខេត្តក្នុងរយៈ ពេល ៣ថ្ងៃ មុនចាប់ផ្ដើមសកម្មភាព ដោយភ្ជាប់ជាមួយនូវគម្រោងសកម្មភាពរបស់ខ្លួនផង។

គួរបញ្ជាក់ដែរថា ចំពោះបញ្ហាប្រឈម និងសំណូមពរមួយចំនួនដែលបានលើកឡើងនៅក្នុងអង្គទិកា ត្រូវបានដោះស្រាយភ្លាមៗនៅក្នុងកិច្ចសន្ទនានាអង្គវេទិកាដោយផ្ទាល់តែម្តង និងអ្វីដែល នៅសេសសល់ អាជ្ញាធរខេត្តនិងសមត្ថកិច្ចពាក់ព័ន្ធសន្យាថា នឹងពិភាក្សារកដំណោះស្រាយជាបន្តបន្ទាប់។

សូមជម្រាបថា ខេត្តកណ្តាលមានអង្គភាពសរុបចំនួន ៤៨៩ អង្គភាព (សមាគមមនុស្សចាស់ ១៣៦ សមាគម) និងសកម្មភាព នៃការចូលរួមរបស់ អង្គការ សមាគម សហគមន៍ ដែលមានគោលបំណងក្នុងការជួយរាជរដ្ឋាភិបាលលើការអនុវត្តគម្រោងតាម វិស័យនានា។ សម្រាប់អង្គការមិនមែនរដ្ឋាភិបាលរួមមាន៖ វិស័យអប់រំ ៤២ គម្រោង, វិស័យសុខាភិបាល ៣៤ គម្រោង, វិស័យសង្គម ០៩គម្រោង,វិស័យកសិកម្ម ៣គម្រោង និងវិស័យផ្សេងទៀត ០៧គម្រោង។ សម្រាប់សមាគមរួមមាន៖ វិស័យអប់រំ ១៧សមាគម, វិស័យសាសនា ២សមាគម, វិស័យសង្គម ២១សមាគម, វិស័យកសិកម្ម ២សមាគម, និងវិស័យផ្សេងទៀត ៤សមាគម។ សម្រាប់សហគមន៍ រួមមាន៖ វិស័យឥណទាន ១២សហគមន៍, វិស័យកសិកម្ម ៦៥សហគមន៍, វិស័យអប់រំ ០៤សហគមន៍ និងវិស័យផ្សេងទៀត ០៥សហគមន៍ ៕

សូមអានបន្ត

K
Share This
Author Image

About www.kehaktomporknm.com

សម្ដេចតេជោ ហ៊ុន សែន អបអរសាទរខួប២៤ឆ្នាំ នៃការបញ្ចប់សង្គ្រាម នៅកម្ពុជា ក្រោមនយោបាយ ឈ្នះ-ឈ្នះ

ចំនួនអ្នកទស្សនា: Views

ភ្នំពេញ: ថ្ងៃទី២៩ ខែធ្នូ ឆ្នាំ២០២២ ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានសម្ដែង​នូវ​ការអបអរសាទរ ចំពោះខួប២៤ឆ្នាំ នៃការបញ្ចប់សង្គ្រាមនៅកម្ពុជាក្រោមនយោបាយ ឈ្នះ-ឈ្នះ (២៩ ធ្នូ ១៩៩៨-២៩ ធ្នូ ២០២២) ដែលកម្ពុជារកបាននូវ​​សុខសន្តិភាព​ពេញ​លេញ និងមានការឯកភាពជាតិទាំងស្រុងជាប្រវត្តិសាស្ត្រ។

​ នៅលើផេកផ្លូវការថ្ងៃទី ២៩ ខែធ្នូ ឆ្នាំ២០២២ សម្ដេចតេជោបានសរសេរថា អបអរ​សាទរ​ខួប២៤ឆ្នាំ នៃការបញ្ចប់សង្គ្រាមនៅកម្ពុជាក្រោមនយោបាយ ឈ្នះ-ឈ្នះ។ នៅថ្ងៃទី​២៩ ខែធ្នូ ឆ្នាំ២០២២នេះ គឺជាខួប២៤ឆ្នាំហើយ នៃការបញ្ចប់សង្គ្រាមនៅកម្ពុជា ក្រោម​នយោបាយ ឈ្នះ-ឈ្នះ (២៩ ធ្នូ ១៩៩៨-២៩ ធ្នូ ២០២២) ដែលកម្ពុជារកបាននូវសុខ​សន្តិ​ភាពពេញលេញ និងមានការឯកភាពជាតិទាំងស្រុងជាប្រវត្តិសាស្ត្រ។ សម្ដេចតេជោលើក​ឡើងថា ការបិទបញ្ចប់​សង្គ្រាម​ហែកហួរ និងការបែកបាក់ជាតិនេះ បានកើតមានឡើង​តាម​រយៈនយោបាយឈ្នះ-ឈ្នះ របស់សម្តេចតេជោ ហ៊ុន សែន ដែលជាស្ថាបនិក។

សម្ដេចតេជោនាយករដ្ឋមន្រ្ដីបានអះអាងថា៖ «នយោបាយ ឈ្នះ-ឈ្នះ គឺជាយុទ្ធ​សាស្ត្រ​គោលការណ៍ទាំងឡាយណា ដែលបាននាំមកនូវការធានា ដល់សន្តិសុខសង្គម ការបង្រួបបង្រួមជាតិ ឯកភាពជាតិ សនិ្តភាព ការធានាដល់បូរណភាពដែនដី អធិបតេយ្យ និងការអភិវឌ្ឍសេដ្ឋកិច្ច នយោបាយសង្គមប្រកបដោយចីរភាព»៕ដោយ៖ ជឹម ណារីសម្រួលដោយ:dara


 







សូមអានបន្ត

K
Share This
Author Image

About www.kehaktomporknm.com

លោកជំទាវកិត្តិសង្គហបណ្ឌិត ម៉ែន សំអន ជួបសំណេះសំណាលជាមួយបុគ្គលិកបម្រើ​ការងារសេដ្ឋកិច្ចក្រៅប្រព័ន្ធផ្នែកសេវាកម្សាន្តទេសចរណ៍ មនុស្សពេញវ័យ

ចំនួនអ្នកទស្សនា: Views


 ភ្នំពេញ: ថ្ងៃទី២៩ ខែធ្នូ ឆ្នាំ២០២២លោកជំទាវកិត្តិសង្គហបណ្ឌិត ម៉ែន សំអន ឧបនាយរដ្ឋមន្ត្រី រដ្ឋមន្ត្រីក្រសួងទំនាក់​ទំនង​ជាមួយរដ្ឋសភា-ព្រឹទ្ធសភា និងអធិការកិច្ច បានជួបសំណេះសំណាលជាមួយ បុគ្គលិក​បម្រើការងារសេដ្ឋកិច្ចក្រៅប្រព័ន្ធ ផ្នែកសេវាកម្សាន្តទេសចរណ៍ មនុស្សពេញវ័យ មកពី​ខណ្ឌ​មានជ័យ ខណ្ឌច្បារអំពៅ និងខណ្ឌដង្កោ សរុប ៤០០នាក់។ ពិធីនេះ បានធ្វើឡើង នារសៀលថ្ងៃពុធ ៦កើត ខែបុស្ស ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២៨ ខែធ្នូ ឆ្នាំ២០២២។

លោកជំទាវកិត្តិសង្គហបណ្ឌិត ម៉ែន សំអន បានពាំនាំនូវការផ្តាំផ្ញើសាកសួរសុខទុក្ខ និងមនោសញ្ចេតនានឹករលឹកដ៏ជ្រាលជ្រៅពី សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ប្រធានកិត្តិយ​ស​សមាគមនារី ដោយក្តីនឹករលឹក និងការគិតគូរដល់បងប្អូនទាំងអស់គ្នានៅគ្រប់ទីកន្លែង ។ លោកជំទាវកិត្តិសង្គហបណ្ឌិតបានលើកឡើងថា ការប្រជុំនាថ្ងៃនេះ គឺយោងតាមអនុ​សាស​ន៍​ដ៏ខ្ពង់ខ្ពស់របស់សម្តេចតេជោ ហ៊ុន សែន ដែលបានថ្លែងក្នុងពិធីសំណេះសំណាល​ជា​មួយ​សមាជិកបក្សក្នុងរាជធានីភ្នំពេញ កាលពីថ្ងៃទី២៦ ខែវិច្ឆិកា ឆ្នាំ២០២២ ដោយបញ្ជាក់​ថា បច្ចុប្បន្ន រាជរដ្ឋាភិបាល ក៏បានបន្តជំរុញការអនុវត្តក្របខណ្ឌ​គោលនយោបាយ ជាតិ​គាំពារសង្គម តាមរយៈការពង្រឹង និងអភិវឌ្ឍន៍ជំនួយសង្គម និងប្រព័ន្ធ សន្តិសុខសង្គមឱ្យ​កាន់​តែមានវិសាលភាព និងប្រសិទ្ធិភាព ពង្រឹងសន្តិសុខស្បៀង និងអាហាររូបត្ថម្ភ ដើម្បី​ធានាការលើកកម្ពស់សុខុមាលភាព សាមគ្គីភាពសង្គម និងបន្តកាត់បន្ថយភាពក្រីក្ររបស់​ប្រជាជន​ជាអតិបរមា ។

ទន្ទឹមនោះផងដែរ សម្តេចតេជោ ក្នុងនាមរាជរដ្ឋាភិបាលកម្ពុជា នឹងបន្តរៀបចំ ៖ ១. ជូនក្រសួងសុខាភិបាលត្រៀមលក្ខណៈ តាមនីតិវិធីធ្វើបណ្ណសុខភាពជូនក្មួយៗ តាម​ស្ថានភាព​ជាក់ស្តែង ។ ២. ប្រគល់ភារកិច្ចជូន ក្រសួងសេដ្ឋកិច្ច និងហិរញ្ញវត្ថុ ក្រសួងសង្គម​កិច្ច អតីតយុទ្ធជន និងយុវនីតិសម្បទា ក្រុមប្រឹក្សាជាតិគាំពារសង្គម ត្រៀមលក្ខណៈ​ធ្វើ​បណ្ណ​ក្រីក្រតាមនីតិវិធីសម្រាប់ជូនក្មួយៗទាំងអស់ តែក្នុងរយៈពេលខ្លីប៉ុណ្ណោះ។ ៣. សូម​ប្រគល់ភារកិច្ចជូន ក្រសួងការងារ និងបណ្តុះបណ្តាលវិជ្ជាជីវៈ សិក្សារកជំនាញដើម្បីបណ្តុះ​បណ្តាលដល់ក្មួយៗ តែទាល់តែក្មួយៗព្រមសហការខិតខំរៀនសូត្រជំនាញ ដើម្បីមាន​ជំនាញ​ច្បាស់លាស់ដើម្បីចាប់អាជីពការងារថ្មី។

ក្នុងឱកាសនោះផងដែរ លោកជំទាវកិត្តិសង្គហបណ្ឌិត ម៉ែន សំអន ក៏បាននាំ​យកថវិកា​របស់សម្តេចតេជោ និងសម្តេចកិត្តិព្រឹទ្ធបណ្ឌិត ជូនដល់ បុគ្គលិកបម្រើការងារសេដ្ឋកិច្ច​ក្រៅ​ប្រព័ន្ធចំនួន៤០០នាក់ ក្នុងម្នាក់ទទួលបានថវិកា ១០ម៉ឺនរៀល៕ ដោយ៖ សួស សំរិតសម្រួលដោយ:dara

សូមអានបន្ត

K
Share This
Author Image

About www.kehaktomporknm.com

កងពលធំអន្តរាគមន៍លេខ៣ បើកវគ្គហ្វឹកហ្វឺនបំប៉ន ពង្រឹងសមត្ថភាពយោធិនឆ្នាំ២០២៣

ចំនួនអ្នកទស្សនា: Views



ព្រះវិហារ : ថ្ងៃទី២៨ ខែធ្នូរ

ឆ្នាំ២០២២នៅទីបញ្ជាការកងពលធំអន្តរាគមន៍លេខ៣ បានបើកវគ្គហ្វឹកហ្វឺនបំប៉នជំនាញទូទៅ ដើម្បីពង្រឹងសមត្ថភាពយោធិន ឆ្នាំ២០២៣ ឱ្យទទួលបានជំនាញច្បាស់លាស់ ក្នុងយុទ្ធវិធីថ្មើរជើង ពង្រឹងបានទាំងស្មារតី និងមានប្រៀបក្នុងការប្រយុទ្ធនៅលើសមរភូមិ កាលពីថ្ងៃទ៤កើត ខែបុស្ស ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃចន្ទ ទី២៦ ខែធ្នូ ឆ្នាំ២០២២ ដោយមានការចូលរួមពីឯកឧត្តមឧត្តមសេនីយ៍ឯក ស្រី ឌឹក មេបញ្ជា ការរងកងទ័ពជើងគោក និងជាមេបញ្ជាការកងពលធំអន្តរាគមន៍លេខ៣ មេបញ្ជាការ មេបញ្ជាការរងកងពលតូចអន្តរាគមន៍លេខ៧, ៨, ៩ ព្រមទាំងយោធាចារ្យ កម្មសិក្សាការី នាយទាហាន និងនាយទាហានរង ជាច្រើនរូបទៀត ។

លោកវរសេនីយ៍ត្រី ផល ឌី នាយការិយាល័យហ្វឹកហ្វឺន នៃកងឯកភាពកងពលធំអន្ត រាគមន៍លេខ៣ បានលើកឡើងថា ដើម្បីចូលរួមចំណែកអនុវត្តយុទ្ធសាស្ត្រការពារជាតិ និងគោលនយោបាយរបស់រាជរដ្ឋាភិបាល ទទួលបានជោគជ័យ កងពលធំអន្តរាគមលេខ៣ បានកំណត់ច្បាស់អំពីសកម្មភាពយោធាក្នុងបច្ចុប្បន្ន ក៏ដូចជាថ្ងៃអនាគត ដោយចាត់ទុកការងារហ្វឹកហ្វឺន គឺជាការងារអាទិភាពចាំបាច់ ត្រូវដំណើរការជាប្រចាំដូចភ្លៀងរលឹម។ សំដៅបង្កើនចំណេះដឹង ចំណេះធ្វើ ក៏ដូចជាសកម្មភាពប្រយុទ្ធរបស់នាយទាហាន នាយទាហានរង និងពលទាហានក្នុងកងពលធំអន្តរាគមន៍លេខ៣ទាំងមូល តាមគោលការណ៍ដឹកនាំអនុវត្តឆ្នាំ២០២២។ ពង្រឹងខ្សែរយៈដឹកនាំបញ្ជាការងារហ្វឹកហ្វឺនឱ្យបានរឹងមាំ បំប៉នយោធិនគ្រប់លំដាប់ថ្នាក់ គ្រប់ជំនាញតាមផែនការ ពង្រឹងយោធាចារ្យ និងគ្រូបង្គោលតាមបណ្ដាកងឯកភាព ចំណុះកងពលធំអន្តរាគមន៍លេខ៣ ។ បន្តកសាងទីលានបាញ់គ្រាប់ពិត ដែលត្រូវកែសម្រួលថ្មីរបស់កងពលធំអន្តរាគមន៍លេខ៣ ដោយអនុវត្តតាមផែនការ កែទម្រង់កងយោធពលខេមរភូមិន្ទ រយៈពេល៥ឆ្នាំ របស់រដ្ឋាភិបាលកម្ពុជា ។

ឯកឧត្តមឧត្តមសេនីយ៍ឯក ស្រី ឌឹក បានថ្លែងថា ការបើកវគ្គហ្វឹកហ្វឺន គឺដើម្បីពង្រឹងសមត្ថភាព និងស្មារតីដល់នាយទាហាន នាយទាហានរង និងពលទាហាន អ្វីដែលសំខាន់ គឺដើម្បីបង្កើនសមត្ថភាព ជាមេបញ្ជាការ ជាអ្នកដឹកនាំ ថ្នាក់ក្រុមកងអនុសេនាតូច កងអនុសេនាធំ ត្រូវចេះគ្រប់គ្រងស្ថានការណ៍ និងចាត់តាំងប្រុងប្រៀបមុន និងក្រោយពេលប្រយុទ្ធ ចល័តរកភូមិសាស្ត្រ សំដៅលើទិសប្រយុទ្ធ ដើម្បីធានាបានប្រៀបឈ្នះលើខ្មាំងសត្រូវ ក្នុងការការពារទីតាំងក្នុងតំបន់ភូមិសាស្ត្រ ដែលកំពុងឈរជើង និងការទទួលខុសត្រូវនាពេលបច្ចុប្បន្ន និងអនាគត ។

ឧត្តមសេនីយ៍ឯក ស្រី ឌឹក ក៏បានក្រើនរម្លឹកដល់សិក្ខាកាមទាំងអស់ ត្រូវខិតខំសិក្សា រៀនសូត្រ និងទទួលយកបទពិសោធន៍ថ្មីៗ ដើម្បីយកទៅបម្រើការងារនៅអង្គភាព ឱ្យមានប្រសិទ្ធភាព និងត្រូវយកចិត្តទុកដាក់គោរពវិន័យកងទ័ព រក្សាសេចក្ដីថ្លៃថ្នូរ សីលធម៌រស់នៅស្អាតស្អំ និងរក្សាសាមគ្គីភាព ឯកភាព ហើយទោះក្នុងកាលៈទេសៈណាក៏ដោយ ក៏នៅតែស្មោះត្រង់ឥតងាករេ ការពារ និងគោរពដាច់ខាត នូវបទបញ្ជារបស់រាជរដ្ឋាភិបាល ជាពិសេសកម្លាំងកងយោធពលខេមរភូមិន្ទ ត្រូវតែស្មោះត្រង់ ក្នុងការការពារបូរណភាពទឹកដី ឱ្យបានដាច់ខាត ៕ 

សូមអានបន្ត

K
Share This
Author Image

About www.kehaktomporknm.com

 
Copyright © គេហទំព័រ ខេអិនអឹម | រចនាដោយ៖ website ចាងហ្វាងការផ្សាយ : លោក ប៑ូ ដឺ រ៉ុងទីស្នាក់ការកណ្តាល: #៥៧៤ ផ្លូវ ៤៨បេតេ ភូមិ ក្បាលទំនប់ សង្កាត់ បឹងទំពុនទី២ ខណ្ឌ មានជ័យ រាជធានីភ្នំពេញ ទំនាក់ទំនងទូរស័ព្ទៈលេខ / 012 429 307 / 097 626 5148 ។