ភ្នំពេញ ÷ ទីតាំងល្បែងហ្គេមបាញ់ត្រីខុសច្បាប់ យីហោ(ប៉អៅ)នៅជិតស្ទុបស្ពានអាកាសដីហុយ មួយកន្លែងតាមបណ្តោយផ្លូវ១០១៩ ស្ថិតក្នុងភូមិសាស្ត្រ សង្កាត់អូរបែកក្អម ខណ្ឌសែនសុខ រាជធានីភ្នំពេញ មានអ្នកញៀនល្បែងប្រុស ស្រី ក្មេងចាស់ ខ្មែរចិន ចូលលេង២៤ម៉ោងលេី២៤ម៉ោង មានទាំងកម្លាំងសន្តិសុខយាមកាមប្រចាំវេនទៀតផង។
ទីតាំងល្បែងហ្គេមបាញ់ត្រី យីហោ(ប៉អៅ)ទីតាំងខាងលើ បើកដំណើរការយ៉ាងពេញបន្ទុក យប់ថ្ងៃ មិនឃើញ អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន ចុះអនុវត្តទប់ស្កាត់ និងបង្ក្រាបនូវឡើយ! ធ្វើឲ្យមហាជន ចាប់អារម្មណ៍ កំពុងដាក់ការសង្ស័យ លេីអាជ្ញាធរនិងសមត្ថកិច្ចមូលដ្ឋាន ជាអ្នកបើកភ្លើងខៀវ លាក់បាំងថ្នាក់លេី ទើបអាចបើកលេងដោយរលូនបែបនេះ។
ប្រភព៖ពលរដ្ឋរស់នៅជិតទីតាំងល្បែងនេះ គាត់មានការព្រួយបារម្ភយ៉ាងខ្លាំង និងភាពភ័យខ្លាចកើតនូវ អំពើចោរកម្ម និងបទល្មើសផ្សេងៗដូចជា លួច ឆក់ ប្លន់ និងអំពើហិង្សា ជាដើម។ល។ ដូចដែលច្បាប់បានលើកឡើងក្នុងការចុះប្រតិបត្តិការបង្ក្រាបល្បែងស៊ីសងហ្គេមបាញ់ត្រី កន្លងមកផងដែរ។
ក្នុងករណីខាងលេី អង្គភាព KNM news សូមគោរពដល់ ឯកឧត្តម ឃួង ស្រេង អភិបាលនៃគណៈអភិបាល រាជធានីភ្នំពេញ និងឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ សូមមេត្តាត្រួតពិនិត្យ ស្របតាមគោលនយោបាយ ភូមិ.ឃុំ សង្កាត់.មានសុវត្ថិភាព របស់រាជរដ្ឋាភិបាល ដែលកំណត់ និងដាក់ចេញដោយក្រសួងមហាផ្ទៃ ផងទាន៕
0 Comment:
Post a Comment