សម្តេចតេជោ ហ៊ុន សែន ថ្លែងថា ៖ «២៤ម៉ោងបានកន្លងផុតទៅហើយបន្ទាប់ពីសាររបស់សម្តេច ពេលនេះសុខភាពរបស់សម្តេចមានភាពធម្មតា មិនមានអ្វីគួរឲ្យកត់សម្គាល់ទេ អាការៈទាំងប៉ុន្មានគឺដូចធម្មតា ទទួលទានអាហារក៏ធម្មតា និងការសម្រាកក៏ធម្មតា។ សម្តេចបន្តថាអ្វីដែលជាការសប្បាយរីករាយរបស់សម្តេច នៅត្រង់ឃើញថាមេដឹកនាំនៃបណ្ដាប្រទេស ដែលចាកចេញពីកម្ពុជាក្នុងពេលប្រជុំអាស៊ាន និងកិច្ចប្រជុំពាក់ព័ន្ធ ដែលចាកចេញពីកម្ពុជាទៅចូលរួមកិច្ចប្រជុំប្រទេស G20 នៅប្រទេសឥណ្ឌូនេស៊ីក៏ដូចជាការវិលត្រឡប់ទៅកាន់ប្រទេសវិញ គ្មានអ្នកណាម្នាក់បានឆ្លងកូវីដ-១៩ ចេញពីកម្ពុជានោះទេ ។
សម្តេចបន្តថានេះអាចបញ្ជាក់បានថា កម្ពុជាបានទទួលភ្ញៀវដោយសុវត្ថិភាពទាំងសន្តិសុខ ទាំងបញ្ហាទាក់ទងជាមួយនឹងជំងឺឆ្លង ក៏ដូចជាបរិយាកាសដទៃទៀត ដែលផ្ដល់អំណោយផល សម្រាប់ព្រះរាជាណាចក្រកម្ពុជាទទួលបានជោគជ័យ ក្នុងកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធ។
សម្តេចតេជោ ហ៊ុន សែន ក៏បានបកស្រាយអំពីការលើកឡើងថា ហេតុអ្វីបានជាសម្តេចមានកូវីដតែម្នាក់ឯង ហើយមិនទុកសមាជិកប្រតិភូឲ្យនៅចូលរួមក្នុងកិច្ចប្រជុំប្រទេសG20នៅឥណ្ឌូនេស៊ី។ សម្តេចបានបញ្ជាក់ថា កម្ពុជាមិនមែនជាប្រទេសសមាជិកG20នោះទេ។បើយើងជាប្រទេសសមាជិកG20យើងមានសិទ្ធិនឹងតែងតាំងរដ្ឋមន្ត្រីឬឧបនាយករដ្ឋមន្ត្រីណាមួយ ជាតំណាងរបស់យើងនៅទីនោះ ក៏ប៉ុន្តែនៅឥណ្ឌូនេស៊ីក៏ដូចជានៅបាងកក ប្រទេសរបស់យើងត្រូវបានទទួលការអញ្ជើញក្នុងនាមជាប្រធានអាស៊ានតែម្ដងគឺនាយករដ្ឋមន្ត្រីហ៊ុន សែន។
ដូច្នេះដើម្បីធានាការប្រព្រឹត្តិទៅបានល្អក្នុងការប្រជុំ កម្ពុជាបានធ្វើការសម្របសម្រួលជាមួយឥណ្ឌូនេស៊ីដែលបានទទួលញញួរជាប្រធានអាស៊ានរួចហើយនោះគឺគ្រប់គ្រងការងារជាប្រធាន អាស៊ានតែម្ដង ព្រោះថាយើងមិនមានសិទ្ធិចាត់តាំងអ្នកណាពីកម្ពុជាជំនួសឲ្យនាយករដ្ឋមន្ត្រី ហ៊ុន សែន បានទេ ម្យ៉ាងទៀតដោយសារការធ្វើដំណើរតាមយន្តហោះជាមួយគ្នាក្នុងចំនួន ៤០នាក់ជាងមិនមានអ្នកណាកើតកូវីដ១៩ក៏ដោយ។ ប៉ុន្តែប្រសិនមានបុគ្គលណាមួយ ឧបនាយករដ្ឋមន្ត្រីណាមួយអនុញ្ញាតឲ្យចូលរួមប្រជុំវាពិតជាផ្ដល់នូវការកង្វល់សម្រាប់ម្ចាស់ផ្ទះគឺឥណ្ឌូនេស៊ី ហេតុដូច្នេះហើយបានជាសម្តេចសម្រេចចិត្តវិលត្រឡប់មកប្រទេសទាំងអស់គ្នាហើយប្រគល់ឋានៈជាប្រធានអាស៊ាននេះសម្រាប់ឥណ្ឌូនេស៊ីតែម្ដង។
សម្រាប់ការប្រជុំនៅអេប៉ិចទៀតសោត យើងបានសួរនាំទៅម្ចាស់ផ្ទះនៃអង្គប្រជុំនោះថាតើយើងអាចចាត់តំណាងទៅចូលរួមបានឬទេ?គឺខាងម្ចាស់ផ្ទះបានឆ្លើយតបមកយើងវិញថាគឺការនេះគឺជាការអញ្ជើញប្រធានអាស៊ានដូច្នេះមិនមានការចាំបាច់ដើម្បីចាត់តាំងអ្នកណាទៅចូលរួមនោះទេ។ ត្រង់នេះហើយដែលសម្តេចសូមបញ្ជាក់ថាក្នុងឋានៈយើងជាប្រធានអាស៊ាន ដែលត្រូវអញ្ជើញចំឈ្មោះគឺនាយករដ្ឋមន្ត្រី ហ៊ុន សែន ដែលជាប្រធានអាស៊ានប្ដូរវេនឆ្នាំ ២០២២ គេមិនមែនអញ្ជើញព្រះរាជាណាចក្រកម្ពុជានោះទេពិតមែនព្រះរាជាណាចក្រកម្ពុជាជា ប្រធានអាស៊ានប៉ុន្តែយើងទៅក្នុងនាមប្រធានអាស៊ានគឺ ហ៊ុន សែន ជាប្រធានតែម្ដង។
សម្តេចតេជោ បន្តថា នេះជាការជម្រាបជូនដើម្បីឲ្យមានការយល់គ្នាចៀសវៀងនូវការភាន់ច្រឡំណាមួយដែលអាចកើតមានលើការបកស្រាយនានា ៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMjh5QkE9PSIsImV4cCI6bnVsbCwicHVyIjoiYmxvYl9pZCJ9fQ==--cbec9c65147ce93cf5ec01342a4351f7010fc39d/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/FB_IMG_1668611430247.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMjB5QkE9PSIsImV4cCI6bnVsbCwicHVyIjoiYmxvYl9pZCJ9fQ==--acc3018d64fc0f85a518246d2d72eeb182acc707/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/FB_IMG_1668611433558.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMnd5QkE9PSIsImV4cCI6bnVsbCwicHVyIjoiYmxvYl9pZCJ9fQ==--57fde79a97ed1970f00ec8b2fddf7aa199fae6b5/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/FB_IMG_1668611434944.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMjR5QkE9PSIsImV4cCI6bnVsbCwicHVyIjoiYmxvYl9pZCJ9fQ==--64e48132c4108965b613560a1f236c273104e57c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/FB_IMG_1668611432072.jpg)
0 Comment:
Post a Comment